Hyrwyddo'r cynllun LCA

Mae ysgolion a cholegau yn chwarae rhan hanfodol yn y gwaith o hyrwyddo'r cynllun LCA. Gofynnwn felly i chi hybu ymwybyddiaeth o'r cymorth ariannol sydd ar gael trwy’r cynllun.

O flwyddyn academaidd 2023/24 gall myfyrwyr ymgeisio ar-lein. Anogwch eich myfyrwyr i ymgeisio ar-lein os yn bosibl a dywedwch wrthynt fod gwybodaeth bwysig a nodiadau canllaw ar gael ar-lein.

Byddwn hefyd yn anfon deunydd cyhoeddusrwydd atoch sy’n cynnwys taflenni, posteri, canllawiau a phecynnau cais. Dosbarthwch y rhain i fyfyrwyr a'u harddangos mewn mannau lle gellir eu gweld yn hawdd.

Gofynnwn i chi hefyd gynnig anogaeth a chyngor ynghylch llenwi a dychwelyd y ffurflen. Gallai hyn fod yn berthnasol i rieni neu warcheidwaid hefyd.

Dywedwch wrth eich myfyrwyr bod Cyllid Myfyrwyr Cymru yn darparu gwasanaeth dwyieithog. Mae'r ffurflen gais LCA a ffurflenni arweiniad eraill i fyfyrwyr a rhieni hefyd ar gael yn Gymraeg. Gallant lawrlwytho'r rhain ar wefan ddwyieithog Cyllid Myfyrwyr Cymru.

Dylech hefyd hybu ymwybyddiaeth o'r cynllun LCA ar ddiwrnodau gyrfa, nosweithiau rhieni a diwrnodau agored y coleg. Gallwch ddefnyddio'r deunyddiau cyhoeddusrwydd LCA rydyn ni'n eu darparu bob blwyddyn i'w rhannu â'ch myfyrwyr.