Safonau gwasanaeth ar gyfer darparwyr addysg bellach

Cadarnhau Cytundebau Dysgu LCA

Ar gyfer myfyrwyr newydd, rhaid i chi gadarnhau 100% o Gytundebau Dysgu LCA o fewn 10 diwrnod gwaith i gymeradwyo'r cais, neu ddyddiad cychwyn y LCA, pa un bynnag sydd hwyrach (2il ddydd Llun ym Medi).

Ar gyfer myfyrwyr sy'n dychwelyd, rhaid i chi gadarnhau 100% o Gytundebau Dysgu LCA o fewn 10 diwrnod gwaith o wythnos lawn gyntaf y flwyddyn academaidd.

Byddwn yn cysylltu â chi bob blwyddyn, fel arfer ym mis Awst, i ddweud wrthych beth yw dyddiad dechrau y flwyddyn academaidd LCA.

Cadarnhad o bresenoldeb

Rhaid i chi gyflwyno 100% o gadarnhad presenoldeb yn wythnosol.

Y dyddiad cau ar gyfer cyflwyno cadarnhad presenoldeb ar gyfer pob wythnos yw 5pm y dydd Mercher canlynol.

Cywirdeb cadarnhad presenoldeb

Rhaid i chi gyflwyno o leiaf 99% o gadarnhad 'presennol' yn gywir y tro cyntaf.

Os nad oes gennych yr holl wybodaeth ar gael pan fydd angen cyflwyno’r cadarnhad presenoldeb, dylech farcio’r myfyriwr fel 'ddim yn bresennol'. Bydd hyn yn helpu i osgoi gordaliadau i fyfyrwyr. Os oes angen, gallwch wedyn newid y cadarnhad unwaith y bydd gennych ragor o wybodaeth.

Dileu Cytundebau Dysgu LCA sydd heb eu cyflawni

Os nad yw myfyrwyr newydd yn dychwelyd, rhaid i chi eu dileu o fewn 10 diwrnod gwaith i gymeradwyo'r cais. 

Os nad yw myfyrwyr sy'n parhau yn dychwelyd, rhaid i chi eu dileu o fewn 10 diwrnod gwaith i wythnos lawn gyntaf y flwyddyn academaidd.

Byddwn yn cysylltu â chi bob blwyddyn, fel arfer ym mis Awst, i ddweud wrthych beth yw dyddiad dechrau y flwyddyn academaidd LCA.

Safonau gwasanaeth y Cwmni Benthyciadau Myfyrwyr

Prosesu ceisiadau a hysbysiadau hawl

Yn ystod cyfnodau brig, rhaid i ni asesu 90% o geisiadau o fewn 14 diwrnod a 100% o fewn 21 diwrnod.

Yn ystod cyfnodau allfrig, rhaid i ni asesu 100% o geisiadau o fewn 7 diwrnod.

Pan fyddwn yn derbyn cais wedi'i gwblhau, rhaid i ni roi hysbysiad o hawl i'r myfyriwr.

Taliadau bob pythefnos i fyfyrwyr

Mae'n rhaid i ni wneud taliadau ôl-daliadau o 2 wythnos i fyfyrwyr, ar ddydd Llun bob wythnos, ac eithrio cyfnodau gwyliau tymhorol.

Ymholiadau darparwyr addysg bellach i'n Desg Gymorth Partneriaid

Yn ystod cyfnodau brig, rhaid i ni ateb 98% o e-byst o fewn 10 diwrnod ac 80% o alwadau ffôn o fewn 180 eiliad. Rhaid i gyfradd y galwadau sy'n cael eu gadael fod yn is na 10%. 

Yn ystod cyfnodau allfrig, rhaid i ni ateb 98% o e-byst o fewn 4 diwrnod ac 90% o alwadau ffôn o fewn 120 eiliad. Rhaid i gyfradd y galwadau sy'n cael eu gadael fod yn is na 5%. 

Rhaid i'r cywirdeb fod yn 95% fel y nodir trwy wiriadau ansawdd.

Gweld y safonau gwasanaeth LCA Cymru

Diffiniad gwasanaeth

Mae diffiniad y gwasanaeth yn esbonio beth allwch chi ei wneud ym Mhorth y Ganolfan Ddysgu. Mae hefyd yn diffinio ein rolau a'n cyfrifoldebau, yn ogystal â'ch un chi.

Gweld y diffiniad gwasanaeth LCA Cymru