Bwletin ar gyfer Mai 2026

Sut i baratoi ar gyfer blwyddyn academaidd (BA) 2026/27

• Mae Cytundebau Dysgu bellach ar gael ar gyfer Blwyddyn Academaidd 2026/27 ar Borth y Ganolfan Ddysgu (LC). Trefnwch i'ch myfyrwyr sy'n dychwelyd y flwyddyn nesaf i lofnodi'r rhain cyn gynted â phosibl. Cadwch y dogfennau wedi eu llofnodi i'r naill ochr ar gyfer mis Medi, gan y bydd hyn yn helpu paratoi ar gyfer mewnbynnu i’r porth. Gallwch ddod o hyd i wybodaeth fanylach am hyn isod.
• Gallwch nawr hefyd lawrlwytho'r canllawiau gwybodaeth am daliadau ar gyfer blwyddyn academaidd 2026/27 o Borth yr LC.
• Dylech nodi wythnosau gwyliau ar Borth y LC nawr. Gallwch wneud hyn drwy ddewis Cynnal a Chadw – Gwyliau– 26/27 ar y porth. Nodwch yr holl wythnosau mae eich ysgol neu goleg ar wyliau.
• Gall myfyrwyr LCA/GDLlC hefyd nawr ymgeisio ar-lein ar gyfer blwyddyn academaidd 2026/27 trwy Gyllid Myfyrwyr Cymru. Anogwch fyfyrwyr i wneud cais ar-lein lle bo modd. Sicrhewch hefyd bod myfyrwyr a rhieni yn ymwybodol nad yw ymgeisio am LCA a GDLlC yn effeithio ar unrhyw fudd-daliadau a delir i’r aelwyd ar hyn o bryd.

Rhowch wybod i fyfyrwyr os byddant yn ymgeisio trwy gais ar bapur eu bod dal angen anfon eu tystysgrifau geni gwreiddiol i mewn. Mae hyn yn ofynnol fel tystiolaeth o’u hunaniaeth.

Llofnodi cytundebau dysgu

Mae angen i bob myfyriwr newydd ac sy'n dychwelyd lofnodi Cytundeb Dysgu LCA neu GDLlC AB newydd ar gyfer pob blwyddyn academaidd. Ar gyfer myfyrwyr sy'n dychwelyd, dyma eu cais ffurfiol am gymorth yn y flwyddyn academaidd honno. Mae hefyd yn cadarnhau eu bod yn bwriadu dilyn telerau'r cynllun LCA neu gynllun GDLlC AB. Anogwch fyfyrwyr LCA a GDLlC AB a fydd yn dychwelyd ym mis Medi i lofnodi eu cytundebau dysgu cyn diwedd y tymor. 

Gallwch lawrlwytho’r ffurflenni o Borth y Ganolfan Ddysgu. Gall myfyrwyr lofnodi'r Cytundebau Dysgu LCA neu GDLlC AB yn bersonol ar ffurflen bapur neu'n ddigidol os ydych chi wedi creu fersiwn ddigidol. Gallwch hefyd barhau i e-bostio'r cytundebau i'ch myfyrwyr os yw'n well gennych. Gallwch dderbyn e-byst dychwelyd gan fyfyrwyr fel cadarnhad eu bod yn cytuno i'w telerau LCA neu GDLlC AB. Storiwch yr e-byst hyn mewn ffeil electronig at ddibenion archwilio.

Dyddiad dechrau blwyddyn academaidd LCA a GDLlC AB

Bydd blwyddyn academaidd y LCA a GDLlC AB yn dechrau ar 7 Medi 2026. Dyma pryd rydym yn dechrau cyfrif y cyfnod o 10 diwrnod gwaith i fyfyrwyr lofnodi eu cytundebau dysgu. Rydych yn dal i allu diweddaru cytundebau dysgu a chadarnhau presenoldeb os yw eich blwyddyn academaidd y cychwyn yn gynharach na hyn.

Porth LC yn agor yn gynnar ar gyfer hanner tymor

Rydym yn agor y Porth LC yn gynnar ar gyfer ceisiadau ar gyfer yr wythnos yn cychwyn 18 Mai 2026. Gallwch gyflwyno presenoldeb o 21 Mai 2026, sy'n sicrhau bod dyraniadau yn eu lle cyn i chi dorri ar gyfer y gwyliau.

Adolygiad o'r GDLlC

Cyhoeddodd Llywodraeth Cymru adroddiad mewn ymateb i adolygiad annibynnol ym Mawrth 2026. Gallwch ddarllen eu hymateb i'r argymhellion ar wefan Llywodraeth Cymru.

Gwelliant Tystiolaeth ar Goll GDLlC

Yn ddiweddar, fe wnaethon ni wella Porth y Ganolfan Ddysgu ar gyfer LCA. Gallwch nawr ddewis yr hyperddolen Tystiolaeth Ar Goll i weld beth sy'n dal i ddod i law ar gyfrif myfyriwr. Oherwydd llwyddiant y gwelliant hwn, byddwn yn ei gyflwyno ar draws GDLlC.

Gwefan Gwasanaethau LC ar gyfer LCA a GDLlC AB

Cofiwch fod gan wefan Gwasanaethau'r Ganolfan Ddysgu adnoddau i'ch cefnogi gydag unrhyw beth y gallech fod ei angen ar gyfer y flwyddyn academaidd newydd. Mae hyn yn cynnwys:

• deunydd cyhoeddusrwydd
• canllawiau wedi'u diweddaru
• safonau gwasanaeth
• newyddion
• gwybodaeth am ddigwyddiadau SLC ar gyfer Canolfannau Dysgu 

Mae gwefan Gwasanaethau'r Ganolfan Ddysgu ar gael yn Saesneg ac yn Gymraeg.

Desg gymorth LCA a GDLlC AB

Mae tîm ein desg gymorth ar gael i ateb unrhyw gwestiynau gweithredol o ddydd i ddydd am fyfyrwyr unigol, prosesu ceisiadau, taliadau a materion system. Gallwch gysylltu â'r desg gymorth ar 0300 200 4050 (opsiwn 6 ar gyfer ymholiadau LCA, opsiwn 5 ar gyfer GDLlC AB) neu e-bostio emainfo@slc.co.uk.