Taliadau lwfans wythnosol wedi'u hôl-ddyddio

Rhaid i fyfyrwyr newydd gyflwyno eu ffurflen gais i ni o fewn 13 wythnos i ddechrau eu cwrs. Rhaid i fyfyrwyr sy'n dychwelyd lofnodi eu Cytundeb Dysgu LCA o fewn 13 wythnos o ddechrau eu cwrs i gael eu taliadau wedi'u hôl-ddyddio. Dechrau'r cwrs yw'r dyddiad yn y maes Dyddiad Dechrau’r Cwrs ar Borth y Ganolfan Ddysgu.

Ar gyfer ymgeiswyr blwyddyn gyntaf LCA, ni fydd y porth yn gofyn i chi nodi'r dyddiad y llofnododd y myfyriwr ei Gytundeb Dysgu. Bydd yn nodi hwn yn awtomatig fel y dyddiad pan fyddwch yn cadw'r cytundeb ar y porth. Yna mae'r system yn defnyddio hwn ynghyd â dyddiad dechrau'r cwrs i benderfynu a yw myfyrwyr LCA blwyddyn gyntaf yn gymwys i gael taliadau ôl-ddyddiedig.

Ar gyfer myfyrwyr sy'n dychwelyd, bydd y porth yn gofyn i chi nodi'r dyddiad pan wnaethant lofnodi eu Cytundeb Dysgu LCA. Dylech bob amser fynd yn ôl dyddiad y llofnod yn hytrach na’r dyddiad pan fyddwch yn nodi hwn ar y porth. Mae’r system yn defnyddio dyddiad y llofnod ynghyd â dyddiad dechrau’r cwrs i benderfynu a yw’r myfyriwr yn gymwys i gael taliadau wedi’u hôl-ddyddio. Mae'n bwysig iawn felly eich bod yn nodi'r dyddiad hwn yn gywir.

Rhaid i chi osgoi unrhyw oedi diangen wrth gadarnhau Cytundebau Dysgu LCA neu ddyddiadau dechrau cyrsiau, gan y bydd hyn yn effeithio ar daliadau wedi'u hôl-ddyddio.