Ceisiadau myfyrwyr newydd

Unwaith y bydd myfyriwr wedi gwneud cais am LCA a chyflwyno'r holl ddogfennaeth berthnasol, byddwn yn asesu ei gais. Yna byddwn yn dweud wrth y myfyriwr beth yw canlyniad yr asesiad. Os ydynt wedi cael eu cymeradwyo ar gyfer LCA, byddant yn derbyn llythyr dyfarnu.

Ni fydd myfyrwyr cymeradwy yn derbyn unrhyw daliadau nes eu bod wedi llofnodi eu Cytundeb Dysgu LCA yn eu Canolfan Ddysgu. Mae angen i ni dderbyn cadarnhad o hyn, ynghyd â chyflwyno cadarnhad presenoldeb, ar Borth y Ganolfan Ddysgu.

Rhaid i chi ddefnyddio'r templed Cytundeb LCA gofynnol ar gyfer pob myfyriwr. Gallwch lawrlwytho hyn o Borth y Ganolfan Ddysgu.