Dweud wrth fyfyrwyr am benderfyniadau presenoldeb

Os nad yw myfyriwr wedi bodloni’r meini prawf presenoldeb, ni fydd yn cael taliad LCA am yr wythnos honno. Rhaid ichi sicrhau eu bod yn deall y rhesymau dros hynny.

Os yw myfyriwr wedi darparu rhif ffôn symudol, bydd yn cael neges destun bob pythefnos i gadarnhau a yw wedi’i farcio’n bresennol at ddibenion LCA ac a fydd yn derbyn taliad.

Os bydd myfyrwyr yn cysylltu â ni gydag unrhyw gwestiynau am eu presenoldeb, byddwn yn dweud wrthynt am ddod atoch yn lle hynny. Mae hyn oherwydd mai eich disgresiwn chi yw penderfynu a yw myfyrwyr yn bresennol ac i awdurdodi taliadau.

Os bydd problem weinyddol yn achosi oedi wrth gyflwyno data presenoldeb, rhaid i chi sicrhau bod eich myfyrwyr LCA yn gwybod am oedi posibl o ran talu. Dylech hefyd gysylltu â'n Desg Gymorth Partneriaid i roi gwybod i ni.