Gwirio sampl

Nid ydym bellach yn cynnal gwiriad sampl o fyfyrwyr adnewyddu awtomatig yn yr haf cyn dechrau'r flwyddyn academaidd.   Bydd y broses gwirio incwm ar gyfer y rhai sy'n dychwelyd nawr yn gweithio yr un fath ag ar gyfer myfyrwyr newydd.

Fel rhan o’r broses ‘treiglo’n awtomatig’ ar gyfer y rhai sy’n dychwelyd o flwyddyn academaidd 2025/26, byddwn yn eu hanfon am wiriad incwm fel rhan o’u proses asesu.  Bydd hon yn broses a gynhyrchir gan system.

Pan fyddwn wedi cynnal y gwiriad incwm, bydd cais y myfyriwr yn perthyn i un o ddau senario:

• Mae'r gwiriad incwm yn cadw incwm y cartref o dan y trothwy gofynnol a bydd y cais yn symud ymlaen yn awtomatig i 'cymeradwywyd'
• Mae'r gwiriad incwm yn symud incwm y cartref uwchlaw’r trothwy gofynnol , a bydd y cais yn symud ymlaen yn awtomatig i 'angen tystiolaeth'. Yna byddwn yn anfon cais am ddogfennaeth incwm materol.  Mae hyn yn dilyn y llwybr eithriad presennol ar gyfer myfyrwyr newydd.  Ni chaiff unrhyw fyfyrwyr eu gwrthod yn awtomatig heb i ni ofyn am dystiolaeth yn gyntaf

Byddwn hefyd yn gofyn i sampl o fyfyrwyr newydd ddarparu tystiolaeth eu bod yn ddibynnol ar y rhieni neu warcheidwaid a restrwyd ganddynt yn eu cais gwreiddiol.

Byddwn yn eich atgoffa pan fydd y gwiriad sampl yn digwydd bob blwyddyn.

Os na fydd myfyrwyr yn darparu tystiolaeth neu’n methu’r gwiriad sampl, byddwn yn atal taliadau yn y dyfodol ac yn ceisio adennill unrhyw daliadau rydym wedi’u gwneud eisoes.

Dylech barhau i gadarnhau presenoldeb ar Borth y Ganolfan Ddysgu drwy gydol y broses gwirio sampl. Bydd hyn yn gadael i ni ôl-ddyddio unrhyw daliadau yn gyflym unwaith y bydd y myfyrwyr wedi profi eu bod yn gymwys.

Os bydd myfyriwr yn cysylltu â chi i ddweud nad yw wedi derbyn taliadau, gwiriwch eich bod wedi cadarnhau eu presenoldeb ar Borth y Ganolfan Ddysgu. Os ydych wedi cadarnhau’r presenoldeb, gofynnwch i’r myfyriwr gysylltu â Chyllid Myfyrwyr Cymru am gymorth.