Hyrwyddo'r cynllun GDLlC AB

Mae Canolfannau Dysgu yn chwarae rhan hanfodol yn y gwaith o hyrwyddo cynllun GDLlC AB a'r camau cais cychwynnol. Gofynnwn felly i chi hybu ymwybyddiaeth o'r cymorth ariannol sydd ar gael trwy’r cynllun.

Mae pecyn cais GDLlC AB dwyieithog yn cynnwys gwybodaeth bwysig a nodiadau canllaw i fyfyrwyr. Fodd bynnag, gofynnwn i chi hefyd gynnig anogaeth a chyngor ynghylch llenwi a dychwelyd y ffurflen. Gallai hyn fod yn berthnasol i rieni neu warcheidwaid hefyd.

Dywedwch wrth eich myfyrwyr bod Cyllid Myfyrwyr Cymru yn darparu gwasanaeth dwyieithog. Mae'r ffurflen gais GDLlC AB a ffurflenni arweiniad eraill i fyfyrwyr a rhieni hefyd ar gael yn Gymraeg. Gallant lawrlwytho'r rhain ar wefan Cyllid Myfyrwyr Cymru.